पॅकेटमधील बारीक नाही तर 'हे' मीठ आहे तुमच्या आरोग्यासाठी योग्य
स्वयंपाक घरात जेवण्यातील सर्वात महत्त्वाचा घटक म्हणजे मीठ... मीठामुळे आपल्या जेवणाची लज्जत वाढते. तसेच चिमुटभर मिठ घातल्याने बेचव अन्नाला छान चव येते. पण तुम्हाला माहिती आहे का? तुम्ही वापर करत असलेले मीठ धोकादायक असू शकते. त्यामुळे आत्ताच जाणून घ्या रोज स्वयंपाक करताना जेवणामध्ये कोणत्या मीठाचा वापर करावा?
 "पॅकेटमधील बारीक नाही तर 'हे' मीठ आहे तुमच्या आरोग्यासाठी योग्य")
WHO ने मीठ खाण्याबाबत नवीन सूचना दिलेल्या आहेत. त्यानुसार उच्च रक्तदाब आणि हृदयाच्या आरोग्यासाठी, सामान्य मिठाऐवजी कमी सोडियम आणि जास्त पोटॅशियमयुक्त पर्याय वापरण्याचा सल्ला देण्यात आला आहे. कारण जास्त प्रमाणात मीठ खाल्ल्याने गंभीर आजार होऊ शकतात. अशुद्ध मीठ खाण्यापासून वाचण्यासाठी तुम्ही प्रोसेस्ड आणि पॅकेज्ड फूड कमी खावे, कारण त्यामध्ये जास्त प्रमाणात सोडियम असतो.
अलीकडे झालेल्या एका संशोधनानुसार, सामान्य मिठाऐवजी कमी सोडियम आणि अधिक पोटॅशियम असलेले मीठ खाल्ल्यास हृदयविकाराचा धोका कमी होतो. विशेषतः ज्या लोकांना पूर्वी हृदयाचा झटका आला आहे, त्यांच्यासाठी हे अधिक फायदेशीर ठरू शकते. त्यामुळे अशा लोकांनी पॅकेटमधील भेसळ केलेले मीठ जेवणात वापरू नये.
कमी सोडियमयुक्त मिठाचे फायदे
- हृदयविकार आणि स्ट्रोकचा धोका कमी होतो.
- शरीरात पाणी धरून ठेवण्याची समस्या (Water Retention) कमी होते.
- वजन नियंत्रणास मदत होते.
- रक्तदाब आणि हृदयविकाराशी संबंधित समस्या टाळता येतात.
WHOचा अहवाल आणि धोकादायक सवयी
WHOच्या अहवालानुसार, जगभरातील बहुतांश लोक दररोज 10.8 ग्रॅम मीठ खातात, जे आवश्यकतेपेक्षा खूप जास्त आहे. जर ही सवय बदलली नाही, तर येत्या 5-6 वर्षांत सुमारे 70 लाख लोक फक्त जास्त मीठ सेवनामुळे होणाऱ्या आजारांमुळे मृत्यूमुखी पडू शकतात.
मीठाचे प्रकार
मीठाचे एक दोन नाही तर अनेक प्रकार आहेत. जसे की सैंधव मीठ, पादेलोण, समुद्री मीठ, बीडलवण, सांबारलोण हे सोडियम कमी प्रमाणात असणारे मीठाचे प्रकार आहेत.
हे ही वाचा: प्रत्येक आंबट पदार्थात व्हिटॅमिन C असतं का? काय सांगतात तज्ज्ञ, पाहा
'हे' आरोग्यदायी पर्याय एकदा वाचाच
रक्तदाबाची समस्या असलेल्या किंवा नसलेल्या सगळ्यांनीच पॅकेटमधील बारीक मीठ वापरण्याऐवजी या पर्यायांचा अवलंब करावा.
- सेंधव मीठ वापरा याला गुलाबी मीठ असे देखील म्हणतात. हे मिठात सोडियम कमी आणि पोटॅशियम जास्त असते.
- स्वयंपाक करताना हर्बल सॉल्ट वापरणे हा देखील उत्तम पर्याय आहे. नैसर्गिक औषधी वनस्पतींपासून बनवलेले मीठ.
- खडी मीठ किंवा समुद्री मीठ वापरणे अतिशय योग्य ठरेल. या मीठावर कोणतीच प्रक्रिया केलेली नसते.
(Disclaimer: इथे देण्यात आलेली माहिती ही सर्वसामान्य ज्ञानावर आधारित आहे. याबद्दल डॉक्टर किंवा तज्ज्ञांचा सल्ला घ्यावा. संबंधित माहितीसाठी ZEE 24 Taas जबाबदार नसेल.)