कायम तरुण राहण्यासाठी ‘ही’ राणी कुमारी मुलींच्या रक्ताने करायची आंघोळ! 600 हून अधिक मुलींना...

Historical Female Serial Killer : सिरीयल किलर यावर अनेक सिरीज आणि चित्रपट आल्या आहेत. भयानक अशा रक्तरंजित कहाण्या आपल्या शेवटपर्यंत खेळून ठेवतात. पण तुम्हाला जाणून आश्चर्य वाटेल, इतिहासात शेकडो वर्षांपूर्वी एक राणी होती, ज्या कृत्याने अख्ख जग हादरलं होतं. सौंदर्य कायम टिकून राहण्यासाठी ही राणी कुमारी तरुणीची हत्या करुन त्यांचा रक्ताने आंघोळ करायची. कोण होती ही राणी जी जगातील सर्वात क्रूर राणी म्हणून ओळखली जायची. अंगावर शहरा येणारी आणि भयावह राणीबद्दल जाणून घेऊयात. 

600 हून अधिक निष्पाप मुलींची...

या राणीचं नाव होतं एलिझाबेथ बाथोरी असून ती हंगेरीच्या एका श्रीमंत आणि प्रभावशाली कुटुंबात जन्मला आली होती. ती सुंदर आणि मोहक होती, पण तिच्या क्रूरतेमुळे आणि निर्दयतेने तिला इतिहासातील सर्वात भयानक महिलांपैकी एक बनवलं. 1590 ते 1610 या काळात तिने 600 हून अधिक कुमारी मुलींची हत्या केली. हो अगदी बरोबर, या राणीचं लग्न फेरेंक नाडास्डी नावाच्या माणसाशी झाले होतं. जो तुर्कांविरुद्धच्या युद्धात हंगेरीचा राष्ट्रीय नायक होता. लग्नानंतर, तिचा पती जिवंत असेपर्यंत तिने किरकोळ खून केले. मात्र नंतर 1604 मध्ये पतीच्या मृत्यूनंतर ही राणी पूर्णपणे स्वतंत्र झाली. एलिझाबेथ बाथोरी स्लोवाकियातील चाशिस इथे तिच्या वाड्यात राहत असताना दररोज गुन्हे करत होती.

एलिझाबेथची क्रूरता तेव्हा सुरू झाली जेव्हा तिला वाटले की तिची त्वचा सुकत येत असून ती म्हातारी होतंय. तिने एका पैगंबराकडून ऐकलं होतं की जर तिने कुमारी मुलींच्या रक्ताने स्नान केलं तर तिची त्वचा तरुण आणि सुंदर राहण्यास मदत मिळेल. यानंतर, तिने गरीब मुलींना आपल्या राजवाड्यात बोलावून त्यांची निर्घृण हत्या करायला सुरुवात केली. एलिझाबेथने हे सर्व एकटं करत नव्हती, तर या करतीला तिच्या तीन विश्वासू नोकरांनीही या भयानक गुन्ह्यात तिला साथ दिली. ती एक प्रभावशाली महिला असल्याने, ती गरीब गावांतील निष्पाप मुलींना पैसे आणि चांगल्या नोकऱ्यांचे आमिष दाखवून तिच्या राजवाड्यात आमंत्रण देत होती. या मुली एकदा राजवाड्यात पोहोचल्या की, तिथून परतणे अशक्य असायचं. 

एलिझाबेथने प्रथम या मुलींवर खूप अत्याचार करायची. कधीकधी ती त्याचे हात जाळायची तर कधीकधी ती त्याच्या शरीराचे मांस कापून टाकायची. बऱ्याच वेळा ती त्यांचे डोळेही काढायची. जेव्हा ती मुलगी मरायची तेव्हा तिचं रक्त एका टबमध्ये गोळा करायची आणि त्यात आंघोळ करायची. असे केल्याने त्याची त्वचा नेहमीच तरुण राहील असा तिचा विश्वास होता. सुरुवातीला कोणीही तिच्या कृतीकडे लक्ष दिले नाही कारण ती एका प्रभावशाली कुटुंबातील होती. पण जेव्हा तिने परिसरातील जवळजवळ सर्व गरीब मुलींना मारले आणि श्रीमंत कुटुंबातील मुलींनाही लक्ष्य करायला सुरुवात केलं, तेव्हा लोकांना संशय यायला लागला. 

1610 मध्ये, हंगेरीच्या राजाला या जघन्य गुन्ह्याची माहिती मिळाली आणि त्याने चौकशीचे आदेश दिले. जेव्हा तपास अधिकाऱ्यांनी एलिझाबेथच्या राजवाड्यावर छापा टाकला तेव्हा तेथील दृश्य पाहून ते घाबरले. अनेक मुलींचे मृतदेह राजवाड्यात विखुरलेले होते आणि अनेकांना अर्धमेल्या अवस्थेत कैद करण्यात आलंच पाहिला मिळालं. 

यानंतर, एलिझाबेथ बाथोरीला अटक करण्यात आली. पण ती एका उच्च कुटुंबातील असल्याने, तिला फाशी देण्याऐवजी किंवा इतर कोणतीही शिक्षा देण्याऐवजी, तिला तिच्याच राजवाड्यातील एका खोलीत कैद करण्यात आले. असं म्हटलं जातं की तिला भिंतींनी वेढलेल्या एका छोट्या जागेत बंद करण्यात आले होते, जिथे फक्त एक लहान छिद्र होते ज्यातून त्याला अन्न दिले जात असे. चार वर्षांनंतर, 21 ऑगस्ट 1614 रोजी, एलिझाबेथ बाथोरीचं निधन झालं. काहींना वाटतं की ती उपासमारीने आणि दुःखाने मरण पावली, तर काहींना वाटते की ती स्वतःच्या क्रूरतेमुळे वेडी झाली होती.

एलिझाबेथ बाथोरी : इतिहासातील सर्वात धोकादायक महिला

एलिझाबेथ बाथोरीची कहाणी इतिहासातील सर्वात भयानक प्रकरणांपैकी एक आहे. तिच्या क्रूरतेमुळे इतिहासात तिची ओळख 'ब्लड काउंटेस' म्हणूनही होते. तिच्या क्रूर कृत्यांमुळे, तिचे नाव गिनीज बुक ऑफ वर्ल्ड रेकॉर्डमध्ये 'सर्वाधिक खून करणारी महिला' म्हणून झाली आहे.

आजही त्याच्या क्रूरतेचा उल्लेख अनेक पुस्तके, चित्रपट आणि सिरीज आली आहे. तिच्यावरील काही आरोप अतिशयोक्तीपूर्ण असल्याचं म्हटलं जात. असं असले तरी तिचे गुन्हे इतके जघन्य होते की ती इतिहासातील सर्वात निर्दयी महिलांपैकी ती एक बनली.