Skin Care : आंबा खाल्यानंतर साल फेकून देताय? थांबा! चेहऱ्यावर येईल ग्लो...

Mango Peel Benefits in Marathi : उन्हाळा ऋतु सुरु झाला की बाजारात कच्ची कैरी आणि पिकलेले आंबे दिसायला सुरुवात होते. आंब्याच्या हंगामात सार्वाधिक आंबे खरेदी केले जातात. फार कमी लोक असतील ज्यांना आंबा हे फळ आवडत नसेल. मात्र अनेकजण पिकलेले आंबे खाऊन त्यांची साल उपयोगाची नाही म्हणून फेकून देतात. पण वाढत्या उष्णतेत त्वचा खूप कोरडी होते. याला सामोरे जाण्यासाठी तुम्ही आंब्याची साल वापरू शकता. फळे आणि भाज्यांची साल अनेकदा फेकून दिली जात असली तरी, तुम्हाला माहीत आहे का की अनेक भाज्या आणि फळांच्या सालीं खूप उपयुक्त आहेत. याचप्रकारे आंब्याची साल देखील त्वचेची काळजी घेण्यासाठी खूप फायदेशीर आहे.