Chhaava Box Office Collection Day 2 : 'छावा' सिनेमाची रेकॉर्ड ब्रेक कमाई, दुसऱ्या दिवसाचं कलेक्शन बघून चक्रावून जाल

विकी कौशलचा 'छावा' हा चित्रपट प्रदर्शित होताच सगळीकडे याच सिनेमाची चर्चा आहे. चित्रपटाला खूप चांगली पसंती मिळत आहे. एवढंच नव्हे तर सिनेमाचे बॉक्स ऑफिस कलेक्शनही सर्वोत्तम आहे. हा चित्रपट अवघ्या दोन दिवसांत प्रचंड हिट झाला आहे. छावा चित्रपटाची ओपनिंग 31 कोटी होती. आता दुसऱ्या दिवशीही छावाने मोठी कमाई केल्याची चर्चा आहे. 'छावा' सिनेमाचं बॉक्स ऑफिस कलेक्शन काय आहे? 

सॅकनिल्कच्या अहवालानुसार, छावाने दुसऱ्या दिवशी 36.5 कोटींची कमाई केली आहे. या चित्रपटाने अवघ्या दोन दिवसांत 50 कोटींपेक्षा जास्त कमाई केली आहे. चित्रपटाच्या दुसऱ्या दिवसाचे अधिकृत आकडे अद्याप जाहीर झालेले नाहीत. पण जर चित्रपटाने दुसऱ्या दिवशी 36.5 कोटी रुपये कमावले तर आतापर्यंत चित्रपटाचे एकूण कलेक्शन 67.5 कोटी रुपये होईल.

'छावा' सिनेमाने तोडले रेकॉर्ड 

व्हॅलेंटाईन डेच्या कमाईच्या बाबतीत छावाने गली बॉयला मागे टाकले आहे हे आम्ही तुम्हाला सांगतो. 'छावा'ने पहिल्या दिवशी 31 कोटींची कमाई केली आहे. तर रणवीर सिंगच्या गली बॉयने 19.40 कोटींची कमाई केली. तर छावा हा 2025 मधील सर्वाधिक ओपनिंग करणारा चित्रपट बनला आहे. या चित्रपटाने स्काय फोर्सला मागे टाकले आहे. स्काय फोर्सने पहिल्या दिवशी फक्त 15.30 कोटी रुपये कमावले. 'छावा'ने भारतात दोन दिवसांत 50 कोटींहून अधिक कमाईचा टप्पा ओलांडला आहे, तर स्काय फोर्सने 3 दिवसांत 50 कोटींचा व्यवसाय केला आहे.

'छावा'मध्ये विकी कौशल मुख्य भूमिकेत आहे. तर रश्मिका मंदान्ना या सिनेमात येसूबाईंची भूमिका साकारत आहे. हा चित्रपट लक्ष्मण उतेकर यांनी बनवला आहे. चित्रपटाचे संगीत ए.आर. रहमान यांनी दिले आहे. रिपोर्ट्सनुसार, चित्रपटाचे बजेट 130 कोटी रुपये असल्याचे सांगितले जात आहे.