ஐபிஎல் 2025 போட்டிகள் வரும் ஆர்ச் 22ஆம் தேதி தொடங்க உள்ளது. இதற்கான அட்டவணையை சமீபத்தில் பிசிசிஐ வெளியிட்டது. முதல் போட்டியில் கொல்கத்தா - ஆர்சிபி விளையாட உள்ளது.
கடந்த 2019 ஆம் ஆண்டு சர்வதேச போட்டிகளில் இருந்து ஓய்வை அறிவித்த தோனி ஐபிஎல் தொடர்களில் மட்டும் விளையாடி வருகிறார். கடந்த ஆண்டு சென்னை அணியின் கேப்டன் பொறுப்பில் இருந்தும் விலகினார்.
2011 ஒருநாள் உலகக்கோப்பை, 2007 டி20 உலக கோப்பை, 2013 சாம்பியன்ஸ் டிராபி தொடர் என 3 ஐசிசி கோப்பைகளை இந்தியாவிற்கு வென்று கொடுத்துள்ளார் தோனி.
நான் 2019-ல் சர்வதேச கிரிக்கெட்டில் இருந்து ஓய்வு பெற்றேன். என்னால் முடிந்தவரை கிரிக்கெட்டில் ஆடுவேன். நான் இந்த தருணத்தை மிகவும் மகிழ்ச்சியாக அனுபவிக்கிறேன் என்று தோனி சமீபத்திய நேர்காணலில் தெரிவித்துள்ளார்.
ஒரு கிரிக்கெட் வீரர் நாட்டிற்காக விளையாடுவதற்கு பெருமைப்பட வேண்டும். நாங்கள் ஒவ்வொரு நாட்டிற்கும் விளையாடச் செல்லும்போது இந்தியாவிற்காக விளையாடுகிறோம் என்ற பெருமை இருக்கும் என்று பேசியுள்ளார்.
உங்களுக்கு எது நல்லது எது கெட்டது என்பதை தெரிந்திருக்க வேண்டும். நாம் விளையாடும் கிரிக்கெட் நமக்கு முழு திருப்தியை அளிக்கிறதா என்பதை உணர வேண்டும், வேறு எதுவும் முக்கியமில்லை எனவும் பேசியுள்ளார்.
சென்னை சூப்பர் கிங்ஸ் அணியின் தற்போதைய கேப்டனாக ருதுராஜ் கைகுவாட் உள்ளார். தோனி அவருக்கு பின்னால் இருந்து வேண்டிய குறிப்புகள் மட்டும் கொடுத்து வருகிறார்.
