ಫೋಟೋ ವಾಟ್ಸಾಪ್‌ ಮಾಡಿದ್ರೆ 'ಡಿಜಿಟಲ್ ಸ್ನಾನ'..! ಕೇವಲ 1,100 ರೂ. ಮಾತ್ರ.. ಮಹಾಕುಂಭಮೇಳದಲ್ಲಿ "ಡಿಜಿಟಲ್ ಸೇವೆ" 

Mahakumbh Mela 2025 : ಮಹಾಕುಂಭಮೇಳದಲ್ಲಿ ಸ್ನಾನ ಮಾಡಲು ಸಾಧ್ಯವಾಗದವರು ತಮ್ಮ ಫೋಟೋ ಮತ್ತು ಹಣವನ್ನು ವಾಟ್ಸಾಪ್ ಮೂಲಕ ಕಳುಹಿಸಿದರೆ, ಇವರು ಅದನ್ನು ಮುದ್ರಿಸಿ ನಂತರ ಫೋಟೋವನ್ನು ನೀರಿನಲ್ಲಿ ಮುಳುಗಿಸುತ್ತಾರೆ. ಇದು ಒಂದು ರೀತಿಯ ಡಿಜಿಟಲ್ ಸ್ನಾನ. ಇದಕ್ಕೆ ಶುಲ್ಕ 1,100 ರೂ. ಘಟನಾ ಸ್ಥಳದ ದೃಶ್ಯಗಳನ್ನು ಹಂಚಿಕೊಂಡಿರುವ ರಾಷ್ಟ್ರೀಯ ಮಾಧ್ಯಮಗಳು ಇದನ್ನು ವರದಿ ಮಾಡಿವೆ.

ಸ್ಥಳೀಯ ನಿವಾಸಿಯೊಬ್ಬರು ಈ ವ್ಯಾಪಾರವನ್ನು ಪ್ರಾರಂಭಿಸಿದ್ದಾರೆ.. ಅಲ್ಲದೆ, ಸಾಮಾಜಿಕ ಮಾಧ್ಯಮಗಳ ಮೂಲಕ ಹೆಚ್ಚಿನ ಪ್ರಚಾರ ಮಾಡುತ್ತಿದ್ದಾರೆ ಎಂದು ಸುದ್ದಿಯಾಗಿದೆ. ಸದ್ಯ ವೈರಲ್‌ ಆಗುತ್ತಿರುವ ವಿಡಿಯೋದಲ್ಲಿ ವ್ಯಕ್ತಿ ಕೈಯಲ್ಲಿ ಫೋಟೋಗಳನ್ನು ಹಿಡಿದಿರುವ ದೃಶ್ಯಗಳನ್ನು ಕಾಣಬಹುದು. 

ಇದನ್ನೂ ಓದಿ :ವಿಶ್ವ ದಾಖಲೆ ಸೃಷ್ಟಿಸಿದ "ತೋಳ ಮಾನವ"..! ಪ್ರಾಣಿಯಂತಿರುವ ಈ ಯುವಕನ ಹಿನ್ನೆಲೆ ಕೇಳಿದ್ರೆ ಬೆಚ್ಚಿ ಬೀಳ್ತಿರಾ..

ಈ 'ಡಿಜಿಟಲ್ ಸ್ನಾನ' ಪರ ಮತ್ತು ವಿರೋಧವಾಗಿ ಅನೇಕ ಜನರು ಮುಂದೆ ಬರುತ್ತಿದ್ದಾರೆ. 'ನಿಮಗೆ ನಾಚಿಕೆಯಾಗುವುದಿಲ್ಲವೇ' ಮತ್ತು 'ನೀವು ಸನಾತನ ಧರ್ಮವನ್ನು ಅವಮಾನಿಸುತ್ತಿದ್ದೀರಿ' ಎಂಬಂತಹ ಹಲವು ಕಾಮೆಂಟ್‌ಗಳು ವೀಡಿಯೊದ ಅಡಿಯಲ್ಲಿ ನೋಡಬಹುದು.  

ಮಹಾಕುಂಭ ಮೇಳವು ಪ್ರತಿ 144 ವರ್ಷಗಳಿಗೊಮ್ಮೆ ನಡೆಯುವ ಹಬ್ಬವಾಗಿದೆ. ಈ ವರ್ಷ ಜನವರಿ 13 ರಂದು ಪ್ರಾರಂಭವಾದ ಈ ಉತ್ಸವವು ಫೆಬ್ರವರಿ 26 ರಂದು ಕೊನೆಗೊಳ್ಳಲಿದೆ. ಮಹಾ ಕುಂಭಮೇಳದಲ್ಲಿ ಭಾಗವಹಿಸಲು ಮತ್ತು ತ್ರಿವೇಣಿ ಸಂಗಮದಲ್ಲಿ ಸ್ನಾನ ಮಾಡಲು ಪ್ರತಿದಿನ ಲಕ್ಷಾಂತರ ಭಕ್ತರು ಬರುತ್ತಿದ್ದಾರೆ..