വിറ്റാമിൻ ഇ, ബി1, ബി6, ഫോളേറ്റ്, മഗ്നീഷ്യം, ആരോഗ്യകരമായ കൊഴുപ്പുകൾ തുടങ്ങിയവയടങ്ങിയിട്ടുള്ള സൂര്യകാന്തി വിത്തുകൾ ഡയറ്റിൽ ഉൾപ്പെടുത്തുന്നത് നിരവധി ആരോഗ്യ ഗുണങ്ങൾ നൽകും.
ഒലിക്, ലിനോലെയിക് ആസിഡുകൾ എന്നിവയടങ്ങിയ സൂര്യകാന്തി വിത്തുകൾ ചീത്ത കൊളസ്ട്രോളിനെ നിയന്ത്രിക്കുകയും ഹൃദ്രോഗ സാധ്യത കുറയ്ക്കുകയും ചെയ്യുന്നു.
സൂര്യകാന്തി വിത്തുകളിൽ അടങ്ങിയിട്ടുള്ള സിങ്ക്, സെലിനിയം, വിറ്റാമിൻ ഇ എന്നിവ പ്രതിരോധശേഷി വർധിപ്പിക്കാൻ സഹായിക്കും.
സൂര്യകാന്തി വിത്തിലെ ആന്റി ഓക്സിഡന്റായ വിറ്റാമിൻ ഇ ഓക്സിഡേറ്റീവ് സ്ട്രെസിൽ നിന്നും അകാല വാർധക്യത്തിൽ നിന്നും സംരക്ഷിക്കുന്നു.
ഈ വിത്തിൽ അടങ്ങിയിട്ടുള്ള മഗ്നീഷ്യവും ഫോസ്ഫറസും എല്ലുകളുടെ ആരോഗ്യം സംരക്ഷിക്കുന്നു. ഇത് ഓസ്റ്റിയോപെറോസിസ് പോലുള്ള അസുഖങ്ങൾക്കുള്ള സാധ്യത കുറയ്ക്കുന്നു.
മഗ്നീഷ്യം അടങ്ങിയ സൂര്യകാന്തി വിത്തുകൾ രക്തത്തിലെ പഞ്ചസാരയുടെ അളവ് നിയന്ത്രിക്കുന്നു.
സെറോടോണിൻ ഉത്പാദിപ്പിക്കാൻ ശരീരം ഉപയോഗിക്കുന്ന ട്രിപ്റ്റോഫാന്റെ മികച്ച ഉറവിടമാണ് സൂര്യകാന്തി വിത്തുകൾ. ഇത് മാനസികാവസ്ഥ മെച്ചപ്പെടുത്തുകയും സമ്മർദ്ദം കുറയ്ക്കുകയും ചെയ്യുന്നു.