Shani Sade Sati: 29 માર્ચથી આ રાશિની સાડાસાતી શરુ થશે, શનિ જીવનમાં હાહાકાર મચાવશે, શનિને શાંત કરવા અત્યારથી કરો આ કામ

Mesh Rashi Shani Sade Sati: 29 માર્ચ 2025 ના રોજ શનિ કુંભ રાશિમાંથી નીકળી મીન રાશિમાં પ્રવેશ કરશે. શનિના રાશિ પરિવર્તનથી મેષ રાશિના લોકોની સાડાસાતી શરૂ થઈ જશે. મેષ રાશિના લોકો પર શનિની સાડાસાતીનો પ્રભાવ સાડા સાત વર્ષ સુધી રહેશે. મેષ રાશિના લોકો આ સમય દરમિયાન સાડાસાતીના ત્રણ ચરણનો સામનો કરશે. જેમાંથી પહેલા ચરણનો પ્રારંભ 29 માર્ચથી જ શરૂ થઈ જશે. શનિની સાડાસાતી દરમિયાન મેષ રાશિના લોકોને અલગ અલગ પ્રકારની સમસ્યાઓ થઈ શકે છે. 

આ પણ વાંચો:  Mars Transit : 24 ફેબ્રુઆરીથી મિથુન રાશિમાં માર્ગી થશે મંગળ, બદલી જશે 3 રાશિઓનો સમય

સાડાસાતીનું બીજું ચરણ સૌથી ખતરનાક હશે

શનિની સાડાસતીના ત્રણ ચરણ હોય છે. જેમાં પહેલું ચરણ ચડતી સાડાસાતી, બીજું ચરણ મધ્યમા સાડાસાતી અને ત્રીજું ચરણ ઉતરતી સાડાસાતી હોય છે. ત્રણમાંથી બીજું ચરણ સૌથી વધારે મુશ્કેલ હોય છે આ સમય દરમિયાન શારીરિક, માનસિક અને આર્થિક સમસ્યાઓનો સામનો કરવો પડે છે. મેષ રાશિના લોકો માટે શનિની સાડાસાતીનું બીજું ચરણ 3 જૂન 2027 થી શરૂ થશે. જ્યારે શની રાશિ પરિવર્તન કરીને મેષ રાશિમાં જ પ્રવેશ કરશે. 

આ પણ વાંચો:  Shani Asta: ભુક્કા બોલાવી દેશે અસ્ત શનિ, આજથી 38 દિવસ આ 4 રાશિઓ માટે મુશ્કેલીભર્યા

મેષ રાશિ પર સાડાસતીનો પ્રભાવ 

શનિની સાડાસાતી દરમિયાન મેષ રાશિના લોકોના જીવનમાં મુશ્કેલીઓ વધી શકે છે. આ સમય દરમિયાન મેષ રાશિના લોકોને નોકરીમાં સમસ્યા અને ધન હાનિનો સામનો કરવો પડી શકે છે. કરજ લેવાની સ્થિતિ પણ સર્જાઈ શકે છે. આ સમય દરમિયાન વિચાર અને વ્યવહાર નકારાત્મક થઈ શકે છે. ઘરમાં તણાવનું વાતાવરણ વધી શકે છે. શનિના પ્રકોપથી બચવું હોય તો આળસથી દૂર રહેવું અને કોઈ પણ ખોટું કામ કરવું નહીં. ખોટું કામ કરનારા લોકોને શનિ વધારે પરેશાન કરે છે. 

આ પણ વાંચો:  સ્ત્રીની જમણી આંખ ફરકે તો શુભ કે અશુભ ? જાણો સામુદ્રિક શાસ્ત્રમાં જણાવેલો અર્થ

સાડાસાતીનો પ્રભાવ દૂર કરવાના ઉપાય 

શનિની સાડાસાતીનો નકારાત્મક પ્રભાવ દૂર કરવો હોય તો મેષ રાશિના લોકો આ ઉપાય કરી શકે છે. આ કામ અત્યારથી જ શરુ કરી દેવાથી તેમને રાહત મળી શકે છે. શનિનો અશુભ પ્રભાવ દૂર કરવા માટે ગરીબોની મદદ કરવી. દર શનિવારે શનિદેવને તેલ અર્પણ કરવું અને દરેક કામ સમજી વિચારીને કરવું. ખરાબ કર્મ કરવાનું ટાળવું. બસ આ વાતનું ધ્યાન રાખી લીધું તો પણ શનિ શાંત થશે.

(Disclaimer: અહીં આપવામાં આવેલી માહિતી સામાન્ય માન્યતાઓ અને જાણકારી પર આધારિત છે. ZEE 24 કલાક તેની પુષ્ટિ કરતું નથી.)