કોચે ખોલી કોહલીની પોલ, કહ્યું- આ ભૂલના કારણે એક એક રન માટે તરસી રહ્યો છે વિરાટ

ચેમ્પિયન્સ ટ્રોફીમાં ટીમ ઈન્ડિયાની પ્રથમ મેચમાં પણ કોહલીનું ખરાબ ફોર્મ યથાવત રહ્યું. તેણે બાંગ્લાદેશ સામે 38 બોલમાં માત્ર 22 રન બનાવ્યા હતા. ત્યારે તેના આ ખરાબ પ્રદર્શનને લઈને પૂર્વ કોચનું મોટું નિવેદન સામે આવ્યું છે.

ચેમ્પિયન્સ ટ્રોફીમાં ટીમ ઈન્ડિયાની પ્રથમ મેચમાં પણ કોહલીનું ખરાબ ફોર્મ યથાવત રહ્યું. તેણે બાંગ્લાદેશ સામે 38 બોલમાં માત્ર 22 રન બનાવ્યા હતા. કોહલી પોતાની શરૂઆતને મોટી ઇનિંગ્સમાં ફેરવવામાં નિષ્ફળ રહ્યો અને લેગ સ્પિનર ​​રિશાદ હુસૈનનો શિકાર બન્યો.

વિરાટ કોહલીનું ખરાબ ફોર્મ ભારતીય ટીમ માટે ચિંતાનો વિષય છે, કારણ કે પૂર્વ કેપ્ટને 2023 વર્લ્ડ કપ પછી રમાયેલી છ ODI ઇનિંગ્સમાં માત્ર 137 રન બનાવ્યા છે, જેમાં એક અડધી સદીનો સમાવેશ થાય છે. 

પૂર્વ ભારતીય કેપ્ટન અને મુખ્ય કોચ અનિલ કુંબલેનું માનવું છે કે વિરાટ કોહલી તેના ખરાબ ફોર્મમાંથી બહાર આવવા માટે ખૂબ જ પ્રયાસ કરી રહ્યો છે. 

અનિલ કુંબલેએ આગળ કહ્યું કે, તમારી પાસે એવા ખેલાડીઓ હોય, જેમણે આ પહેલા પણ આવું કર્યું છે અને દરેક તમને જોઈને કહે છે કે આ તે વ્યક્તિ છે જે રમતને પોતાની તરફેણમાં લેશે અને તે ટીમમાં સૌથી મહત્વપૂર્ણ વ્યક્તિ છે. 

જ્યારે તમારા પર આ પ્રકારનું દબાણ હોય છે અને તમારી પાસેથી આ પ્રકારની અપેક્ષા રાખવામાં આવે છે, ત્યારે તમે અચાનક આ બધી બાબતોને બિનજરૂરી મહત્વ આપવાનું શરૂ કરી દો છો અને પછી સારું પ્રદર્શન કરવાનો પ્રયાસ કરો છો, ત્યારે તમે ખરેખર તણાવ મુક્ત નથી હોતા.

અનિલ કુંબલેએ કહ્યું કે, મને લાગે છે કે તે વધારે પડતો પ્રયાસ કરી રહ્યો છે. તમે જોઈ શકો છો કે તે કેવી રીતે રમી રહ્યો છે. તેણે ફક્ત તેના વિશે ચિંતા કરવાની જરૂર નથી. રોહિતની જેમ વિરાટને પણ અન્ય કોઈ બાબતની ચિંતા કરવાની જરૂર નથી. તેને આત્મવિશ્વાસની જરૂર છે. 

કુંબલેએ કહ્યું કે, જ્યારે તે ફોર્મમાં હોય છે, ત્યારે તે સ્પિન સારી રીતે રમે છે, પરંતુ હવે તે તેની રમતને નિયંત્રિત કરવાને બદલે રન બનાવવા માટે સખત પ્રયાસ કરી રહ્યો છે અને તે તેનો ગેમ પ્લાન છે.