ఈ లడ్డు ఒకటి తింటే.. జుట్టు ఒత్తుగా అందంగా పెరుగుతుంది!

చాలామందిలో జుట్టు సమస్యలు రావడం సర్వ సాధారణమైంది.. కొంతమందిలో జుట్టు తెల్లబడడం, గడ్డం పెరగకపోవడం వంటి సమస్యలు కూడా వస్తూ ఉంటాయి.

మరికొంతమందిలోనైతే జుట్టు పెరిగినప్పటికీ తరచుగా రాలిపోతూ ఉంటుంది. ఇవే కాకుండా ఎన్నో జుట్టు సమస్యలు వస్తూ ఉంటాయి.

జుట్టు సమస్యలతో బాధపడే వారికి అద్భుతమైన లడ్డు రెసిపీని పరిచయం చేయబోతున్నాం.. ఈ లడ్డు రోజు ఒకటి ఉదయం తింటే అద్భుతమైన ఫలితాలు పొందగలుగుతారు.

అవిసె గింజలతో తయారు చేసిన లడ్డు రోజు ఉదయాన్నే తినడం వల్ల విశేషమైన ప్రయోజనాలు పొందుతారు. ఇందులో ఉండే గుణాలు జుట్టును అందంగా చేసేందుకు సహాయపడతాయి.

గడ్డం బొద్దుగా పెంచేందుకు కూడా అవిసె గింజల లడ్డు ఎంతగానో సహాయపడుతుందని ఆరోగ్య నిపుణులు చెబుతున్నారు.

జుట్టు సమస్యలతో బాధపడుతున్న వారు ఇంట్లోనే సులభంగా ఈ అవిసె గింజల లడ్డును తయారు చేసుకోవాలనుకుంటున్నారా? ఇంకెందుకు ఆలస్యం ఇప్పుడే ఇలా ట్రై చేయండి..

కావలసిన పదార్థాలు: అవిసె గింజలు - 1 కప్పు, బెల్లం - 1/2 కప్పు, నెయ్యి - 2 టేబుల్ స్పూన్లు, యాలకుల పొడి - 1/2 టీస్పూన్, డ్రై ఫ్రూట్స్ - 1/4 కప్పు (బాదం, జీడిపప్పు, కిస్మిస్ మొదలైనవి)

తయారీ విధానం: ముందుగా అవిసె గింజలను ఒక పాన్ లో వేసుకొని.. అందులోనే తగినంత నెయ్యి వేడి చేసి బాగా వేపుకోవాల్సి ఉంటుంది.

వేయించిన అవిసె గింజలను పక్కన పెట్టుకొని.. అందులోనే అన్ని రకాల డ్రై ఫ్రూట్స్, డేట్స్ వేసి బాగా వేపుకోండి. ఇలా అన్ని వేపుకొని మిక్సీ జార్లో వేసుకొని మిక్సీ పట్టుకోండి.

అన్ని మిక్సీ పట్టుకున్న తర్వాత బెల్లం పాకం పెట్టుకొని, మిక్సీలో బెల్లం పాకం వేసుకొని కూడా బాగా మిక్సీ పట్టుకోండి. అంతే మొత్తం మిశ్రమంలా తయారైపోతుంది.

ఇలా తయారైన గట్టి పాటి మిశ్రమాన్ని కొద్దిసేపు పక్కన పెట్టుకుని చిన్న చిన్న లడ్డూల్లా తయారు చేసుకొని గాజు సీసాలో భద్రపరచుకోండి. ఇలా తయారు చేసుకున్న లడ్డు రోజు ఉదయాన్నే తింటే జుట్టు అద్భుతంగా పెరుగుతుంది.