క్విక్ గా ఓట్స్ తో ఊతప్పం ఇలా చేయండి హెల్త్ కి మంచిది

ఓట్స్ ఊతప్పం అనేది రుచికరమైన దక్షిణ భారతీయ వంటకం.

ఇది ఓట్స్, కూరగాయలతో తయారు చేస్తారు.

ఇది త్వరగా, సులభంగా తయారుచేయవచ్చు.

పదార్థాలు: ఓట్స్ - 1 కప్పు, ఉప్మా రవ్వ - 1 కప్పు, నూనె - తగినంత

పెరుగు - 1 కప్పు, ఉల్లిపాయ - 1, టమాటా - 1

పచ్చిమిర్చి - 2 , కొత్తిమీర - కొద్దిగా, ఉప్పు - రుచికి సరిపడా

విధానం: ముందుగా ఓట్స్ ను మిక్సీలో వేసి మెత్తగా పొడి చేసుకోవాలి.

ఒక గిన్నెలో ఓట్స్ పొడి, రవ్వ, పెరుగు, ఉప్పు వేసి బాగా కలపాలి.

అవసరమైతే కొద్దిగా నీరు పోసి దోశ పిండిలా కలుపుకోవాలి.

ఈ పిండిని 15 నిమిషాలు నాననివ్వాలి.

తరువాత, ఈ పిండిలో ఉల్లిపాయ, టమాటా, పచ్చిమిర్చి, కొత్తిమీర వేసి కలపాలి.

స్టవ్ పై పెనం వేడి చేసి, కొద్దిగా నూనె వేయాలి.

ఒక గరిటెడు పిండిని పెనంపై వేసి ఊతప్పంలా కొద్దిగా మందంగా వేయాలి.

రెండు వైపులా బంగారు రంగు వచ్చేవరకు కాల్చాలి.

వేడి వేడి ఊతప్పంను చట్నీ లేదా సాంబార్ తో సర్వ్ చేయాలి.