Samrala News: ਜਣੇਪੇ ਦੌਰਾਨ ਨਵਜੰਮੇ ਬੱਚੇ ਦੀ ਮੌਤ; ਮਾਪਿਆਂ ਨੇ ਡਾਕਟਰਾਂ ਉਤੇ ਲਾਪਰਵਾਹੀ ਦੇ ਲਗਾਏ ਦੋਸ਼

Samrala News (ਵਰੁਣ ਕੌਸ਼ਲ): ਸਮਰਾਲਾ ਦੇ ਨਜ਼ਦੀਕੀ ਪਿੰਡ ਬਰਮਾ ਦੇ ਨਿਵਾਸੀ ਪਤੀ ਪਤਨੀ ਨੇ ਪਤਨੀ ਦੀ ਡਿਲੀਵਰੀ ਵਿੱਚ ਹੋਈ ਅਣਗਹਿਲੀ ਕਾਰਨ ਹੋਈ ਬੱਚੇ ਦੀ ਮੌਤ ਦਾ ਜ਼ਿੰਮੇਵਾਰ ਸਮਰਾਲਾ ਸਿਵਲ ਹਸਪਤਾਲ ਦੀ ਡਾਕਟਰ ਨੂੰ ਠਹਿਰਾਇਆ। ਇਸ ਦੀ ਪੋਸਟ ਪਤੀ ਵੱਲੋਂ ਸੋਸ਼ਲ ਮੀਡੀਆ ਉਤੇ ਵੀ ਪਾਈ ਗਈ ਜੋ ਕਿ ਬਹੁਤ ਜ਼ਿਆਦਾ ਵਾਇਰਲ ਹੋ ਰਹੀ ਹੈ।

ਪੋਸਟ ਵਿੱਚ ਪੀੜਤ ਨੇ ਕਿਹਾ ਕਿ ਹਸਪਤਾਲ ਵਿੱਚ ਉਸ ਦੀ ਪਤਨੀ ਸ਼ਾਮ 4 ਵਜੇ ਤੋਂ ਲੈ ਕੇ ਰਾਤ 12 ਵਜੇ ਤੱਕ ਦਰਦ ਨਾਲ ਤੜਫਦੀ ਰਹੀ। ਇਸ ਸਬੰਧ ਵਿੱਚ ਪੀੜਤ ਪਰਿਵਾਰ ਦੇ ਜਤਿੰਦਰ ਸਿੰਘ ਨੇ ਇੱਕ ਲਿਖਤੀ ਸ਼ਿਕਾਇਤ ਸਮਰਾਲਾ ਸਿਵਲ ਹਸਪਤਾਲ ਦੇ ਐਸਐਮਓ, ਐਸਡੀਐਮ ਸਮਰਾਲਾ ਅਤੇ ਵਿਧਾਇਕ ਜਗਤਾਰ ਸਿੰਘ ਦਿਆਲਪੁਰਾ ਨੂੰ ਦਿੱਤੀ ਅਤੇ ਇਨਸਾਫ ਦੀ ਮੰਗ ਕੀਤੀ ਹੈ।

ਸ਼ਿਕਾਇਤਕਰਤਾ ਪਤੀ ਜਤਿੰਦਰ ਸਿੰਘ ਨੇ ਦੱਸਿਆ ਕਿ ਉਸ ਪਤਨੀ ਮੰਜੂ ਬਾਲਾ ਦਾ ਇਲਾਜ ਸਿਵਲ ਹਸਪਤਾਲ ਸਮਰਾਲਾ ਵਿੱਚ ਡਾਕਟਰ ਸੁਖਵਿੰਦਰ ਕੌਰ ਦੇ ਕੋਲ ਪਹਿਲੇ ਮਹੀਨੇ ਤੋਂ ਲੈ ਕੇ ਹੁਣ ਬੱਚਾ ਹੋਣ ਤੱਕ ਸਾਰਾ ਇਲਾਜ ਸੁਖਵਿੰਦਰ ਕੌਰ ਕੋਲ ਚੱਲਦਾ ਆ ਰਿਹਾ ਸੀ ਅਤੇ ਸਾਰੀਆ ਸਕੈਨਾ ਵਗੈਰਾ ਵੀ ਅਸੀਂ ਡਾਕਟਰ ਦੇ ਕਹਿਣ ਉਤੇ ਸਮੇਂ-ਸਮੇਂ ਕਰਾਉਂਦੇ ਰਹੇ ਅਤੇ ਜਦੋਂ ਪਤਨੀ ਦੀ ਪੇਟ ਵਿੱਚ ਪਲ ਰਹੇ ਬੱਚੇ ਦੀ ਆਖਰੀ ਸਕੈਨਾ ਕਰਵਾਈ ਸੀ ਅਤੇ ਜਦੋਂ ਡਾਕਟਰ ਸਾਹਿਬ ਨੂੰ ਦਿਖਾਈ ਸੀ ਤਾਂ ਇਹ ਡਾਕਟਰ ਸਾਹਿਬ ਕਹਿਣ ਲੱਗੇ ਕਿ ਬੱਚਾ ਬਿਲਕੁਲ ਨਾਰਮਲ ਹੈ ਅਤੇ ਇਸ ਨੂੰ ਮੇਰੇ ਕੋਲ ਲੈ ਕੇ ਆਉਣ ਦੀ ਕੋਈ ਜ਼ਰੂਰਤ ਨਹੀਂ ਹੈ ਅਤੇ ਇਸਦੀ ਡਿਲਵਰੀ ਸਟਾਫ ਨੇ ਹੀ ਕਰਵਾ ਦੇਣੀ ਹੈ।

ਇਸ ਵਿੱਚ ਡਰਨ ਵਾਲੀ ਕੋਈ ਗੱਲ ਨਹੀਂ ਹੈ ਜਦੋਂ ਮੈਂ ਆਪਣੀ ਪਤਨੀ ਮੰਜੂ ਬਾਲਾ ਨੂੰ 17-02-2025 ਨੂੰ ਸਿਵਲ ਹਸਪਤਾਲ ਸਮਰਾਲਾ ਵਿਖੇ ਦਾਖਲ ਕਰਵਾਇਆ ਅਤੇ ਮੇਰੀ ਪਤਨੀ ਦੇ ਦਰਦਾ ਹੋ ਰਹੀਆਂ ਸਨ ਉਦੋਂ ਕੋਈ ਵੀ ਮੌਕੇ ਦਾ ਡਾਕਟਰ ਮੌਜੂਦ ਨਹੀਂ ਸੀ ਅਤੇ ਰਾਤ ਦੀ ਡਿਊਟੀ ਉਤੇ ਜੋ ਸਟਾਫ ਸੀ, ਉਨ੍ਹਾਂ ਨੇ ਮੇਰੀ ਪਤਨੀ ਦੀ ਦੇਖ ਰੇਖ ਕੀਤੀ ਅਤੇ ਉਨ੍ਹਾਂ ਮੇਰੀ ਪਤਨੀ ਨੂੰ ਕੋਈ ਵੀ ਦੀਵਾਈ ਜਾਂ ਕੋਈ ਗੁਲੂਕੋਜ ਵਗੈਰ ਨਹੀਂ ਲਗਾਇਆ ਅਤੇ ਮੇਰੀ ਪਤਨੀ ਤੜਫਦੀ ਰਹੀ ਅਤੇ ਰਾਤ ਦੀ ਡਿਊਟੀ ਉਤੇ ਇੱਕ ਸਫਾਈ ਕਰਮਚਾਰੀ ਸੀ, ਉਸਨੇ ਮੇਰੀ ਪਤਨੀ ਦਾ ਧੱਕੇ ਨਾਲ ਜ਼ੋਰ ਮਰਵਾਇਆ ਅਤੇ ਜਦੋਂ ਮੈਂ ਅਪਣੀ ਪਤਨੀ ਦਾ ਦਰਦ ਬਰਦਾਸ਼ਤ ਨਾ ਕਰ ਸਕਿਆ ਤਾਂ ਮੈਂ ਡਾਕਟਰ ਸੁਖਵਿੰਦਰ ਕੌਰ ਨੂੰ ਫੋਨ ਕੀਤਾ ਜੋ ਕਿ ਉਸ ਨੇ ਮੇਰੀ ਪਤਨੀ ਨੂੰ ਹਸਪਤਾਲ ਵਾਲੀ ਪਰਚੀ ਉਤੇ ਸਪੈਸਲ ਲਿਖ ਕੇ ਦਿੱਤਾ ਸੀ।

ਡਾਕਟਰ ਮੇਰੀ ਪਤਨੀ ਨੂੰ ਨਿੱਜੀ ਤੌਰ ਵੀ ਜਾਣਦੀ ਸੀ ਅਤੇ ਜਦੋਂ ਮੈਂ ਉਨ੍ਹਾਂ ਨੂੰ ਫੋਨ ਕੀਤਾ ਤਾਂ ਉਕਤ ਡਾਕਟਰ ਨੂੰ ਮੇਰੀ ਭੈਣ ਨੇ ਫੋਨ ਕਰਕੇ ਦੱਸਿਆ ਕਿ ਆਪ ਜੀ ਦੇ ਸਟਾਫ ਦੇ ਮੁਲਾਜ਼ਮ ਮੇਰੀ ਭਰਜਾਈ ਦੀ ਸਹੀ ਤਰੀਕੇ ਨਾਲ ਕੇਅਰ ਨਹੀਂ ਕਰ ਰਹੇ ਤਾਂ ਅੱਗੋ ਡਾਕਟਰ ਸਾਹਿਬ ਕਹਿਣ ਲੱਗੀ ਕਿ ਤੁਸੀ ਮੈਨੂੰ ਇਹੀ ਦੱਸਣ ਲਈ ਫੋਨ ਕੀਤਾ ਸੀ ਤਾਂ ਉਸ ਨੇ ਇਹ ਕਹਿ ਕੇ ਫੋਨ ਕੱਟ ਦਿੱਤਾ ਕਿ ਤੁਸੀਂ ਸਟਾਫ ਨਾਲ ਗੱਲ ਕਰੋ ਮੈਨੂੰ ਪਰੇਸ਼ਾਨ ਨਾ ਕਰੋ।

ਸ਼ਿਕਾਇਤਕਰਤਾ ਨੇ ਅੱਗੇ ਕਿਹਾ ਇਹ ਗੱਲ ਇਥੇ ਦੱਸਣਯੋਗ ਹੈ ਕਿ ਡਾਕਟਰਾਂ ਦੀ ਗੈਰ ਹਾਜਰੀ ਵਿੱਚ ਮੇਰੀ ਪਤਨੀ ਦੀ ਡਿਲਵਰੀ ਇੱਕ ਸਫਾਈ ਕਰਮਚਾਰੀ ਕਰਵਾ ਰਹੀ ਸੀ ਅਤੇ ਉਹ ਮੇਰੀ ਪਤਨੀ ਨਾਲ ਬਹੁਤ ਮਾੜਾ ਸਲੂਕ ਕਰ ਰਹੀ ਸੀ । ਇਸ ਤੋਂ ਬਾਅਦ ਜਦੋਂ ਬੱਚਾ ਨਾ ਜਨਮ ਲੈ ਸਕਿਆ ਤਾਂ ਇਨ੍ਹਾਂ ਨੇ ਸਾਨੂੰ 12 ਵਜੇ ਰਾਤ ਨੂੰ ਕਹਿ ਦਿੱਤਾ ਕਿ ਤੁਸੀ ਮਰੀਜ਼ ਨੂੰ ਲੁਧਿਆਣਾ ਹਸਪਤਾਲ ਵਿੱਚ ਲੈ ਜਾਵੋ ਤਾਂ ਮੈਂ ਅਪਣੀ ਪਤਨੀ ਨੂੰ ਲੈ ਕੇ ਲੁਧਿਆਣਾ ਸਿਵਲ ਹਸਪਤਾਲ ਲੈ ਗਿਆ ਤਾਂ ਉਥੇ ਜਾ ਕੇ ਡਾਕਟਰਾਂ ਨੇ ਸਾਨੂੰ ਕਿਹਾ ਕਿ ਤੁਸੀ ਬੱਚਾ ਪਿੱਛੋਂ ਹੀ ਡਿਲੀਵਰੀ ਸਮੇਂ ਫਸਾ ਕੇ ਲੈ ਕੇ ਆਏ ਹੋ ਅਸੀਂ ਇਸ ਦਾ ਆਪ੍ਰੇਸ਼ਨ ਨਹੀਂ ਕਰ ਸਕਦੇ। ਇਸ ਤੋਂ ਬਾਅਦ ਲੁਧਿਆਣਾ ਸਿਵਲ ਹਸਪਤਾਲ ਵਿੱਚ ਮੇਰੇ ਪਤਨੀ ਦੀ ਡਿਲੀਵਰੀ ਹੋਈ ਅਤੇ ਉਸ ਤੋਂ ਬਾਅਦ ਪਤਨੀ ਨੂੰ ਪੀਜੀਆਈ ਲੈ ਗਏ ਜਿੱਥੇ ਡਾਕਟਰਾਂ ਨੇ ਕਿਹਾ ਕਿ ਤੁਹਾਡੇ ਬੱਚੇ ਦੀ ਮੌਤ ਹੋ ਚੁੱਕੀ ਹੈ।

 ਇਸ ਸਬੰਧ ਵਿੱਚ ਡਾਕਟਰ ਸੁਖਵਿੰਦਰ ਕੌਰ ਨੇ ਕਿਹਾ ਕਿ ਮੇਰੇ ਉੱਪਰ ਲਗਾਏ ਗਏ ਇਲਜ਼ਾਮ ਬੇਬੁਨਿਆਦ

ਮੈਂ ਹਸਪਤਾਲ ਵਿੱਚ ਹਸਪਤਾਲ ਦੇ ਸਟਾਫ ਤੋਂ ਰਿਕਾਰਡ ਚੈੱਕ ਕਰਵਾਇਆ ਹੈ ਅਤੇ ਮਰੀਜ਼ ਨੂੰ ਰਾਤ 11 ਵਜੇ ਰੈਫਰ ਕਰ ਦਿੱਤਾ ਸੀ ਅਤੇ ਸਾਡੇ ਕੋਲ ਇਸ ਦੀ ਡਿਲੀਵਰੀ ਨਹੀਂ ਹੋਈ ਹੈ। ਡਾਕਟਰ ਨੇ ਇਹ ਵੀ ਕਿਹਾ ਕਿ ਸਾਡੇ ਹਸਪਤਾਲ ਦੇ ਵਿੱਚ ਡਾਕਟਰ ਦੇ ਨਾਲ ਸਟਾਫ ਵੀ ਤਾਇਨਾਤ ਸੀ ਅਤੇ ਸਮੇਂ ਸਮੇਂ ਸਿਰ ਮਰੀਜ਼ ਨੂੰ ਚੈਕਅਪ ਕੀਤਾ ਗਿਆ।

ਜਦੋਂ ਮਰੀਜ਼ ਇਥੋਂ ਰੈਫਰ ਕੀਤਾ ਗਿਆ ਤਾਂ ਪਰਿਵਾਰ ਵਾਲਿਆਂ ਨੂੰ ਬੱਚੇ ਦੀ ਧੜਕਣ ਸੁਣਾ ਕੇ ਭੇਜਿਆ ਗਿਆ ਡਾਕਟਰ ਦਾ ਇਹ ਵੀ ਕਹਿਣਾ ਸੀ ਕਿ ਅਜਿਹੇ ਝੂਠੇ ਇਲਜਾਮ ਲੱਗਣ ਤੋਂ ਬਾਅਦ ਦੇ ਵਿੱਚ ਸਟਾਫ ਅਤੇ ਡਾਕਟਰ ਵਿੱਚ ਰੋਸ ਪੈਦਾ ਹੋ ਜਾਂਦਾ ਅਤੇ ਅੱਗੇ ਕੰਮ ਕਰਨ ਦੇ ਵਿੱਚ ਦਿੱਕਤਾਂ ਆਉਂਦੀ ਹੈ।

ਇਸ ਸਬੰਧ ਵਿੱਚ ਸਿਵਲ ਹਸਪਤਾਲ ਸਮਰਾਲਾ ਦੇ ਐਸਐਮਓ ਡਾਕਟਰ ਤਾਰਕਜੋਤ ਸਿੰਘ ਨੇ ਕਿਹਾ ਕਿ ਮੇਰੇ ਕੋਲ ਇਸ ਮਾਮਲੇ ਦੀ ਸ਼ਿਕਾਇਤ ਆਈ ਹੈ ਅਤੇ ਇਸ ਦੀ ਜਾਂਚ ਕੀਤੀ ਜਾਵੇਗੀ. ਜਾਂਚ ਕਰਨ ਤੋਂ ਬਾਅਦ ਹੀ ਕੁਝ ਕਿਹਾ ਜਾ ਸਕਦਾ ਹੈ।